An 18. Mai 2022 weer Jahreshauptversammlung und Wahl des Vorstandes, achteran Je-Ka-Mi

egentlich weer dat ja al in 2021 an de Reeg, aver Corona hett allens dörcheneen smeeten. Nu weer dat sowiet.

dat weer de ole Vörstand, de 2019 wählt worrn is

Eerstmol hebbt se verklort, wat se in de Tied för den Vereen mookt hebbt un dat se verdeent hebbt, dat se wedder wählt werrn. Leider weern man blots an de 40 Maaten komen. Dat harr wohl jümmers noch mit Corona to doon.
So harr Manfred Sygo keen Problem, deWahlen op siene bewährte Oort dörchtotrecken. Keen een vun de Maaten harr wat to mäkeln, dorüm seeg de neege Vörstand nich veel anners ut as de ole.

v.l.n.r. Hanni Schulz, Hermann Möller Luise Möller, Uwe Schröder (Christa kunn nich komen, de weer in Krankenhuus), Margrit Rüth, Dörte Gudat, Helmut Rüth un de Öllermann Ernst Golsch

 


Denn harr de Öllermann noch de scheune Opgaav, de Jubilare to graleer’n.
De Fruunslüüd kreeg Blomen un de Mannslüüd ‘n Buddel Wien. 

Achteran geev dat Je-Ka-Mi. Dor weer’n blots de “üblichen Verdächtigen”

Günter Wiegers,

 

Traute Holst…

 

 

 

 

…un Herbert Freudenberg


…de uns ‘n poor Geschichten vertellt  oder vörleest hebb’n.

Villicht weer dat bi dat scheune Weer in Goorn scheuner as

in Landhaus Jägerhof
Ehestorfer Heuweg 12-14
21149 Hamburg

Aufrufe: 0

Dat weer ‘n scheunen Nomiddag mit Jan Graf

he hett uns wiest, wo veel Sieden un Saiten he hett

so hett he sien Programm nömt: Dat is nich lustig! – Jan Graf singt un vertellt. 
Un he hett uns wiest, dat “Platt” nich platt sien mutt!

Siene Geschichten vun “Be- oder Entkleidungsvorschriften” in de Sauna, de (villicht) letzten Wöör vun een Radfohrersch, för wat Aliens goot sien kunnt un wat dat mit veganet Hunnenfoder op sik hett – dat weer meist to’n Nodenken, aver ok to’n Smuustern oder to’n Lachen.

In de lange Corona-Paus harr he sik ‘ne Leier baut. Mit de kunn so goot ümgeih’n as mit sien Rietfiedel…

 

…un sien Treckbüdel

De Sool weer wedder mol rappelfull

Keen een hett mäkelt, dat wi kortfristig dat Programm ännert hebbt. Männicheen harr dat gor nich op unser Websiet leest. Man all weern mehr as tofreden un de Öllermann hett sik hartlich bedankt bi Jan Graf. De mutt bald mol wedder komen.

Aufrufe: 0